صاحب ماما وصاحبة بابا بقلم الدكتورة : ابتسام الوكيل

الدكتورة : ابتسام الوكيل

يشاء السميع العليم انه فى يوم واحد وفى إستشارتين ورا بعض ( أستشارات أسريه خاصه ) وأنا عارفه كويس جدا إن ربنا سبحانه وتعالى كل شئ عنده بقدر.

الأستشاره الأولى تشكو فيها الزوجه من إهمال زوجها ( عادى وبقينا نسمعها كتير ) ..ومن إنه يعرف واحده تانيه بيحبها وبياخدها معاه فى كل مكان ( عادى وهو حر فى نفسه ) وإنها عارفه وهو عارف إنها عارفه و ( عادى )... وإن ده الوضع من اول يوم زواج  وعرفت بعد كده ان دى حبه الأول والأخير على حد قوله ... مش إتجوزها ليه ؟ ( الله اعلم ) بيقول انه أهله كانوا مش موافقين عليها ( وماله ) هى كانت مصدقه ... ( انا بقى مش مصدقه غير انه مش بيأتمنها على إسمه وإنه مش مقتنع إنها تكون أم أولاده ) .... كل اللى فات ده عادى لكنه كوم واللى جايه دى كوم تانى .. تتعب الأم فى يوم يقوم الأب هو اللى يوصل بنتهم لتدريب السباحه وبعد ما تخلص البنت وتروح لأمها تحكيلها عن (( صاحبة بابا )) اللى كانت معاهم و ساعدتها ولبستها .... ( لا مش عادى ) ....

يعنى ايه صاحبة بابا ؟ يعنى ده بالنسبه للبنت يبقى شئ عادى .... لأ مش عادى.

هو حر فى نفسه مش حر فى تشويه قيم البنت ..اللى لما تكبر لو صاحبة ولد هيبقى بالنسبه للأب ( شئ مش عادى ) .... انسى انت بتنقش على حجر يا فندم .

بس مش عادى ان بعد ساعه تكون الأستشاره التانيه هى ( صاحب ماما )

وهى لأب وأم منفصلين وتزوج الأب وتزوجت الأم ( عادى ) .... اضطر الأب لأخذ الأبناء من امهم للحفاظ عليهم من وجهة نظره وبموافقة الأم ( عادى )

أما إن الطفل يجى فى يوم ويسأل الأب عن إنه ينفع الست تصاحب راجل ؟؟؟

 ( مش عادى ) وإن الأم بتقول على زوجها لأولادها أنه صاحبها !!!! علشان مايزعلوش إنها تزوجت !!!!!!!!!!!! لا لا لا لا لا .. ( مش عادى خالص !!!!!!!! ) ..... إنتى حره تتطلقى حقك وحلال ... تتجوزى إنتى حره حقك وحلال .. لكن تقولى على زوجك انه صاحبك لا حقك ولا حلال ...إنتى بتنقشى على حجر يا مدام ... ده هو ده جنون البقر وعبط الجديان وهبل النسوان اللى قال عليه محمد هنيدى في فيلم جاءنا البيان التالى J

طبيعى فى شغلى بنفصل عن الحاله ولا أتحد معها عاطفيا

وطبيعى إنى أحافظ على ثباتى الأنفعالى لمصلحة المستفيد من الأستشاره

اللى مش طبيعى إن أكيد ربنا سبحانه وتعالى رتب ده علشان أكتب وأتكلم وأقول لناس كتير خلوا بالكم من عيالكم ومن مصطلحاتكم أدام أولادكم ..إذا كنتم رضيتم لنفسكم بوضع وبتصرفات أو أفكار معينه فكل  إنسان مسئول عن نفسه

لكن لازم ترضوا لأولادكم بناء قيمى جيد وقوى وسليم غير مغلوط

واللى مش طبيعى الصداع اللى جالى بعد الأستشارتين بسبب حزنى على الأطفال

من ......صاحب ماما وصاحبة بابا

المصدعه بسبب الأستشارتين

د.إبتسام الوكيل

#ابتسام_الوكيل

سر الأسرار بقلم الدكتورة : ابتسام الوكيل

الكتورة : ابتسام الوكيل

نعم سر الأسرار الذى يكمن وراءه الكثير والكثير من أسباب النجاح وعدم النجاح ...أن نفعل أو لا نفعل....ان نحب أو نكره .... نقترب أو نبتعد ....

فأذا سألت نفسك لماذا تبتعد عن شئ قد يفيدك ولا تفعله ؟ مثل امتناعك عن أخذ علاج ما أو ممارسة الرياضه وغيرها من أشياء مفيده لك

واذا سألت نفسك لماذا تقترب من شئ يضرك رغم معرفتك بضرره ؟ مثل التدخين والأفراط فى الطعام وغيرها مما قد يضرك ! 

لماذا تتألم من أشخاص ونظل بجوارهم بالرغم من أثرهم السلبى عليك ؟؟؟ ولماذا تبتعد عن أشخاص بالرغم من عدم ايذائهم لك ؟؟؟

وكذلك التسويف ... لماذا نؤجل ونسوف جميعا فى الذهاب الى طبيب الأسنان بالرغم من أنه سيؤدى بنا الى الشفاء وغيرها من الواجبات التى علينا ان نفعلها وفيها فائدة لنا ؟؟؟

سنعرف السبب حالا ....ولكن عندما تكتشف أن لابد لك من تغيير سلوك ما خاص بك تجد نفسك تحاول التغيير ولكن لا تنجح وتعود سريعا الى ما تعودت عليه ....وهنا نقول لك لماذا تقدم على تغيير هذا السلوك الذى هو فى الحقيقه ( النتيجه ) بدلا من ان تتعامل مع ( السبب ) الذى يكمن وراء هذا السلوك ؟؟؟

اذا لا تتعجب من عدم جدوى تغيير النتيجه قبل تغيير السبب .

نعم ان السلوك هو نتيجه لتلك السر ذو القوه الهائله التى تتحكم بك وتتحكم بنا جميعا ....

اذا فما هى القوه التى تتحكم فيك ؟ وستظل تتحكم فيك طالما لا تعرفها وتنتبه لها جيدا !!!!

انها القوه التى تشكل حياتك وسر الأسرار هو ( سر الألم والمتعه ) ..

نعم انك تقرن دائما بين ما يجب عليك فعله وبين الألم أكثر من أن تقرنه بالسعاده والمتعه  لذلك لا تفعله ...مثل الذهاب الى الطبيب او القيام بمشروع ما أو أخذ الدواء

كذلك تقرن دائما ما يجب أن تبتعد عنه بالسعاده والمتعه أكثر من أن تقرنه بالألم لذلك تظل تفعله ..مثل التدخين والسهر وغيرها ..

اذا متى ننجح فى التغيير أو ننجح بشكل عام فى الحياه ؟

يقول أنتونى روبنز ( ان سر النجاح هو أن تتعلم كيف تستخدم الألم والمتعه بدلا من السماح للألم والمتعه باستخدامك...فان فعلت فأنك ستتحكم فى حياتك والا فأن الحياه هى التى ستتحكم فيك )

نعم استخدمهم انت بدلا من أن يستخدموك !!!!!

عندما يصبح الألم ( صديق مخلص ) لك يخبرك انه قد حان وقت التغيير وأن عليك أتخاذ اجراء ايجابى فى حياتك بالأبتعاد عن سبب ومصدر الألم ....عندما يصل الألم الى اعلى مستوى لم تعد تتحمله تلك هى ( عتبة الألم ) التى عندها يحدث التغيير الأيجابى الذى لا رجعة فيه ! وعندما تسأل نفسك لماذا أتخذت هذا القرار ؟ انها الرغبة فى القضاء على مصدر الألم وان تحل السعاده والمتعه محل هذا الألم !!!!

انها متعة الشعور بالفخر والراحه واحترام النفس وممارسة الحياه كما تحبها أنت وكما تسعد بها أنت وليس مثلما خطط لها الآخرون وحاولوا أن يفرضوها عليك .....

ان تلك العمليه من تحديد السلوك الضار لصاحبه ومعرفة القوه والسر  الذى وراءه من الم او متعه وتغييره عن طريق ربط السلوك الجديد بما يجب عليك ان تقرنه به من الم او متعه تستطيع ان تستخدمه فى الحصول على حياه أفضل وصحه أفضل وعلاقات أفضل ...الخ

اذا عندما تربط التدخين بالألم والمرض وتجبر نفسك على قراءة اضراره ورؤية المرضى فى المستشفيات بسببه ....حينها فقط يحل الشعور بالألم محل الشعور بالمتعه من التدخين وتستطيع الأقلاع عنه ....كذلك عندما يحل شعورك بالمتعه بسبب قدرتك على احداث التغيير وقوة ارادتك ووعيك بذاتك وتمتعك بالصحه الجيده  محل الشعور بالألم من الخضوع لهذه العاده السيئه وما تسببه من أضرار صحيه لك حينها فقط ستبتعد عن التدخين ....

عليك ان تعى جيدا ان ما تقرن به الألم وما تقرن به المتعه يشكل مصيرك ..وعليك ايضا أن تتامل نفسك لتعى بعض تجارب الألم والمتعه التى شكلت حياتك

مع تمنياتى بحياه لا تسمح للألم بأفسادها وتملؤها السعاده والمتعه دائما . ولنا الكثيرمن اللقاءات لاحقا بأذن الله مع سر الأسرار ( الألم والمتعه )

د.ابتسام الوكيل

ذنوب لا تغتفر بقلم : الدكتورة ابتسام الوكيل

الدكتورة : ابتسام الوكيل

نتحدث عن الأشياء وكأننا من نقدرها او يقدرها أصحابها لأنفسهم

الزواج الغير ناجح ذنب ...... لا يغفره المجتمع وحتى أقرب المقربين يتحدثون عنه وكأن الزوج أو الزوجه المصابين فى حياتهم الشخصيه أرادوا لأنفسهم تلك النتائج المبهره !!

الإنجاب من ذاك الزواج ذنب ...... لا يغفره الشخص لنفسه اى الزوج والزوجه وكأنهم هم من قدروا وجود هذه الروح بينهم وأن تكون نتيجه لهذا الزواج !

الحب ذنب ...نعم فلماذا لم تختار من أحببت ؟؟ سؤال مهم ..

فهل الحب قرار أم إختيار ؟ أم ذنب؟

الطلاق ذنب ... وأى ذنب فلما لم تتحمل حياه لست سعيدا فيها ؟؟

نعم وما المشكله ؟!!!

التعليم ذنب ..... فدرست ما أحببت ولم تجد عمل بشهادتك التى حصلت عليها ... أم درست ما اتاحه لك مكتب التنسيق ولم تنجح فيه ..... أم تعمل به عملا لا تبدع فيه فكلاهما ذنب !

العمل ذنب ..... انت تعمل ما تحب وليس ما يرضى عنه الناس إذا أنت مذنب ..... أم تعمل عملا بمقابل ضعيف وكأنك تحب ضيق العيش !

الحريه ذنب

العشق ذنب

الفن ذنب

حتى ضحتك ذنب

حتى محاولاتك أن تقف بعد الوقوع ....ذنب وأى ذنب .....

فى مجتمع مذنب... أفراده مذنبون .... يتمنى الفرد فيه رؤيتك كشخص مذنب حتى يستطيع أن ينظر لنفسه فى المرآه ويقول لست وحدى صاحب ذنوب لا تغتفر !!!!!!!!!!!!

تغيير مفهوم التفوق بقلم \ الدكتورة : ابتسام الوكيل

الدكتورة : ابتسام الوكيل

كلنا يحلم بالنجاح بل وبالتفوق لنفسه ولأبنائه

فأن كنت طالبا فأنت تحلم بل وتسعى للتفوق لنفسك ودراستك وحياتك ومستقبلك بشكل عام

وأن كنت ابا او أما فأنت تتمنى التفوق لأبنائك وخاصة التفوق الدراسى حيث أنه الباب الرئيسى من وجهة نظر معظمنا الى النجاح فى الحياه بصفة عامه .

اذا فنحن فى حاجه الى أن نسال انفسنا ما هو التفوق ؟

هل هو الدرجات النهائيه التى نحصل عليها أو هو ال 103% التى يصل اليها طلاب الثانويه العامه ونحن البلد الوحيد الذى تظهر به هذه النتائج اللامنطقيه ..

·     دعونا نعرف ما هو تعريف التفوق المتعارف عليه عالميا والذى يوصف به الشخص الذى يحيا حياة متزنه فى كافة نواحى الحياه ( أجتماعيه –دراسيه (عمليه) – روحانيه –عائليه – ماديه ) ويحاول ان يصل الى النجاح فيها جميعا ..هذا هو الشخص المتفوق

·     اذا أنه معنى جديدا على مجتمعنا للتفوق ..ونحن مطالبون بتغيير معنى التفوق فى مجتمعنا بانفسنا حتى لا يفرض التغيير علينا فرضا !

·     وهنا سؤال آخر هل نستطيع صناعة طالب متفوق ؟ ...والأجابه هى ..نعم ... وذلك كالتالى :

1-          ان نحب أبنائنا (حب غير مشروط )  أى مرتبط بنجاحهم وتفوقهم

2-          نغير مفهوم التفوق لدينا

3-          نعلم أطفالنا لماذا هم مطالبون بالتفوق ؟

فهم مطالبون بالتفوق لأجل أنفسهم ثم لأجل أسعاد أهليهم ثم لخدمة دينهم ثم لنفع مجتمعهم

4-          تهيئة جو المنزل تهيئه جيده للمذاكره

بأن يكون مكان المذاكره جيد التهويه والأضاءه  ..هادئ ومريح ومرتب

5-          نحبب اليهم التفوق والنجاح والتعلم المستمر

وذلك بأن نحببهم من الصغر فى القراءه ونهديهم الكتب والقصص المناسبه لهم فى المناسبات... وايضا بزيارة أماكن العلم والمتاحف والآثار وتعليمهم كيفية الأستفاده من شبكة المعلومات بشكل جيد فى تثقيف أنفسهم

*وفى كيفية الأستعداد للامتحانات فلابد أن نبدأ المذاكره اولا بأول بالقراءه ثم اجابة الأسئله ثم أستظهار المعلومات مع فهمها جيدا ومن الممكن أستخدام ما يسمى (الخرائط الذهنيه ) حتى يسهل علينا الألمام بالموضوع جيدا وأخيرا حل الأمتحانات الخاصه بهذه الماده

*عندما نقوم بكل هذا على مدار ايام الدراسه يكون الأستعداد لأيام الأمتحانات سهلا وأقل توترا وقلقا فنبدأ بالمراجعه لما سبق قراءته وعمل الخرائط الذهنيه له

- القيام بعمل جدول واقعى ومناسب لقدرات الطالب على المذاكره مع الأهتمام بمواعيد النوم وتحديد وقت لباقى المهام كالطعام وترتيب الغرفه والملابس... الخ

- وقت الترفيه أيضا مهم وأن كان يقل فى أيام الأمتحانات لكن لابد من وضعه فى خطة المذاكره

*فى ليلة الأمتحان يصبح الأمر سهلا حيث يراجع الطالب ما قام به بنفسه من ملخصات وخرائط ذهنيه وأجابة بعض الأسئله المهمه ومن الضرورى الخروج خارج المنزل للمشى نصف ساعه أو تناول عصير أو الخروج لفتره قصيره حتى نزيل التوتر والقلق من ابنائنا

مع تمنياتى بحياه يملؤها النجاح والتفوق فى شتى مجالات الحياه

#التربيه_بأيجابيه

#ابتسام_الوكيل

اليوم العالمى للمرأه بقلم : الدكتورة ابتسام الوكيل

الدكتورة : ابتسام الوكيل

بمناسبة اليوم العالمى للمرأه ...كل سنه واحنا نون النسوه طيبين....

واحنا طيبين بس خلينا فاكرين .....

_ فى تحرش بقوانين وعقوبات غير رادعه مع ان مصر رقم 2 على العالم فى مشكلة التحرش ...ما شاء الله نتحسد ......

_ فى قوانين أحوال شخصيه لا زالت بها الكثير من الظلم للمرأه فمثلا تضطر أنها تلجأ للخلع وتتنازل عن كل حقوقها بدلا من الطلاق اللى بيضيع عمرها فى المحاكم !

_ فى قوانين عمل فى القطاع الخاص تهدر حق المراه فى انها تعمل فىمكانها الصح وفى نفس الوقت تراعى بيتها وأولادها

_ فى مجتمع ذكورى بطبعه ( ده غير انه متدين بطبعه ) مطلع عينها

_ فى حقد على المرأه العامله الناجحه بشكل محبط

_ فى ضغط عليها من كل جهه كنوع من العقاب لها على تحملها المسئوليه فى شكل انها لازم تثبت للجميع انها ادها وأدود

_ فى رجل فى حياتها ..الزوج او الأب أو الأخ أو كلهم ( وده لازم يكون موجود علشان باقى المجتمع يحترم نفسه وما يتعرضلهاش بسوء ) والرجل ده اكبر مهامه انه يسلط الضوء على عيوبها ونقط ضعفها ....( وبينسى يبص فى المرايا )

_ فى نفس الأب أو الأخ أو الزوج اللى بينكر عليها حقها فى ممارستها لهواياتها المفضله او انها يبقى ليها وقتها الخاص بيها واللى هو نفسه بينكر عليها بعد كده انها نكديه و افقها ضيق وضغوط الحياه مأثره عليها جدااااا

_ فى أم من حبها و خوفها عليها وعلى ولادها عاوزاها تبقى نسخه منها فى نفسها وفى بيتها وفى تربيتها لأولادها ...فى معاملة زوجها لأ :)

_ فى مجتمع استهلاكى مخليها عامله زى العروسه الماريونيت والحق مش عليه بصراحه ... الحق عليها هى علشان بتنساق ورا المجتمع ده

_ فى كمية مسلسلات وافلام المفروض انها اجتماعيه لكنها نكديه وبردو الحق على نون النسوه انها بتستمع للأفلام ولمسلسلات دى

_ فى أبناء نسيوا الآباء زى ما الآباء نسيوهم بالتأكيد وبقت ماما هى ماما وبابا وأنور وجدى وهى السبب فى سقوط الأندلس طبعا

_ فى المرأه اللى مش بترحم نفسها ولا بترحم أختها وتحاول تخفف الأعباء اللى عليها وعلى بنات جنسها أما بالنميمه أو الغيره أو السخريه أو انها تترك نفسها فريسه للملل والجهل والتليفزيون ....أو يبقى كل همها انها ترضى الناس على حساب نفسها طبعا ... المهم شكلها ايه ؟ و الناس هيقولوا ايه عنها ؟

أحب أقولها ( ارضاء الناس غايه لا تدرك ) ...خليكى فى حالك انتى وبس !!

_ فى هوايات بتموت وطموحات بتتقتل وتتدفن .... ولا عزاء للسيدات

دى مش كل حاجه واحب تفكرونى باللى نسيته ...لكن خلينا فاكرين

المهم ان اليوم ده عالمى والعالم بيحتفل بيه من سنين وللأسف معظمها مشاكل عامه و بعضها خاص بالشرق فقط ... و خلينا فاكرين انه لا حلول للأسف....

مع تمنياتى بحياه تكونى انتى راضيه عنها قبل ما تحاولى ترضى الناس عنك

سيبك انتى ...كل سنه واحنا طيبين ....#ابتسام_الوكيل

حلقة ردايو عن تحليل كتابة محمد التهامي

محمد تهامي يتحدث عن جيل الكتاب الجديد 2008

الروسية تكسب بقلم : الدكتورة ابتسام الوكيل

الدكتورة ابتسام الوكيل

ماكانتش أول مره اسمع الكلام ده ...ولا أول مره حد يسألنى .. حتى إن كان السؤال صاحبه مجاوب عليه مقدما !!

كان حوار طويل وأنا بحاول أقنعه إنه يصلح نفسه ويهتم بزوجته ويغير من أسلوبه معاها .....وانتهى انه يقولى (( أصل أنا كده كده هأتجوز يا دكتوره )) !!!!

رديت بسرعه ...آآآآآآه أنت شكلك شايفلك شوفه خلاص!

قالى (( بصراحه آه بس مش مصريه  ))

قلتله ايه ؟؟ ليه ؟؟؟

كان الرد اللى مش غريب عليا ولا على سمعى .... روسيه !!!

رديت ..تمام ...وقعت واقف حضرتك

رد عليا وقاللى (( الست المصريه متعبه ..مهر وجهاز وشبكه وقايمه ... ولو لا قدر الله حصل مشاكل مؤخر ونفقه والشقه .. آه الروسيه أو الأجنبيه عموما مالهاش غير ابنها ...حتى لو مش معاها الباسبور بتاعها تاخد إبنها وتطلع على سفارتها وتطلع باسبور غيره وعلى بلدها مش بتدور على أى حاجه وراها ...بس المصريه مش كده ))

كان نفسى أقوله وفى من الأجنبيات اللى مش بتدور حتى على إبنها ­_ بس أكيد مش كلهم طبعا _ وفضلت السكوت

قلت أكيد علشان أنت كنت عاوز تسافر ...قالى (( لا هى بتقول إنها هتيجى تعيش فى مصر عادى وأدينا هنشوف !))

 رديت عداك العيب والله ... طيب والديانه ...

(( كاثوليكيه ....وقلتلها أولادى مش هيكونوا غير مسلمين وعموما ادينا هنشوف ...أنا هأخسر إيه يعنى ؟؟؟ ))

طيب والمدام ....

(( هى كده كده أنا معرفها من زمان إنى هأتجوز بس هى مش متخيله إنى أنفذ كلامى وفكرانى بهزر ))

طيب أنت تعرف الست الروسيه دى يعنى متأكد منها ومن أخلاقها

(( على أد ما عرفتها من النت ..وعموم خلينا نشوف ... أنا مش خسران حاجه )) !!!!!!!!!!!!!!!!!!!!!!!!!!!!!!!!!!!!!!!!

بس بالله عليكى يا دكتوره مش أريح وأحسن من المصريه ؟؟؟؟؟؟

وزى ما بدأت كلامى ..مش أول مره أسمع الكلام ده

وبالذات الروسيه ...إنها ست جميله وكيوت وبتعرف تقدر قيمة جوزها لا والحجم لا يشغل حيز كبير من الفراغ ....

كملت أنا بقى وقلت... وعلى فكره حضرتك بتعمر وعايزه تعيش .....

قاللى أه عرفتى منين .... كنت عاوزه أقوله كتر البكى يعلم النواح !....بس سكت علشان مايكونش تشجيع مباشر ليه وإنه يحس إن تفكيره عادى وان هم السابقون هو اللاحقون !!!

قلبى عليكى يا ست يا مصريه

أما يجى الراجل يتقدم لها يسأل عنها كل اللى شافوها واللى حتى سمعوا عنها لحد زمايلها اللى كانوا معاها فى إبتدائى ... ولو كانت إرتبطت قبل كده يسيبها !

لو والدها طلباته قليله يبقى بيرميها وعاوز يجوزها وخلاص !

ولو طلباته كتيره يبقى مفترى ومبالغ وعاوز بنته تقعد جنبه !

لكن الروسيه ملهاش طلبات خاااااااااااااااااالص

لو حصل مشاكل (( لا قدر الله )) ..أول حاجه يهددها الرجل ويقولها مش هخليكى تشوفى ابنك تانى

لكن الروسيه هتاخد ابنها وتمشى (( على فكره ده ابنك بردو ))

أقول إيه ولا إيه ...

الراجل ده راجل محترم .... ومثقف ..وواعى جدااا ...

أنا أحترمه وأحترم تفكيره وأتقبله طبعا ..وكلامى ده مش أكتر من عرض أفكار ... لأنى لا أملك ولا أريد أن أنتقده بالتأكيد

الموضوع وما فيه أنه هو نفس الراجل ده وغيره لو فكر يتجوز مصريه هيفكر بشكل مختلف تماما !!!!

وتتعدد مميزات الروسيه من حديث لآخر ..لتصل المقارنه فى إحدى الأستشارات الشخصيه لرجل مش عاوز يتجوز مصريه بعد أن وقع الطلاق بين وبين زوجته الأولى بسبب والدتها إن الست المصريه ست تسد النفس ومش بتعرف تسعد زوجها وإن زميله لما إتجوز روسيه كان سعيد جدااا جدااا .... تقريبا الروسيه مالهاش أم !!!

جرالك إيه يا مصر ؟؟ وإيه اللى حصل لشبابك ؟؟ وبناتك كمان ؟؟؟... معايير تختلف وقيم تفصيل ومعتقدات حبه فوق وحبه تحت للأسف ...

وعلى فكره و بصراحه لو أنا مكانه وبفكر بطريقته وفى مقارنه بسيطه بين إن هو أو غيره يفكر يتجوز من مصريه أو أجنبيه و تحديدا الروسيه ....إسمحولى أقوله وأقولكم

                        (( الروسيه تكسب ))

د.إبتسام الوكيل

#ابتسام_الوكيل 

أبتسام الوكيل تكتب عن قانون الجذب

تطبيق قانون الجذب

بمنتهى السهوله تستطيع أن تطبق قانون الجذب فى 3 خطوات 

1-          تطلب

2-          تؤمن

3-          تتلقى J

1- تطلب ما تريد أن يكون حقيقة فى حياتك ( تسمى الشئ ده بالتحديد فى اسم أو جمله )

2- تؤمن به ... بما إنك عاوزه ... إنه شئ جميل أو مفيد وهكذا  

- تؤمن بإمكانية تحقيقه يعنى إنه شئ يمكن تحقيقه... مش مستحيل

- تؤمن بأنك تستحقه بالفعل والإستحقاق ده موضوع مهم جدا ... إسأل نفسك أنا أستحق فعلا إنى أكون كذا.....أو أمتلك كذااااااااا ..

لو كان ردك على نفسك.... اه أستحق.... يبقى هاتقدر تطبق الخطوه الثانيه من الجذب وفعلا تكون صادق مع نفسك .... يبقى كمل ....

-        تؤمن إنك عايشه بمشاعرك ... عارف الممثل الشاطر جدااا لما يتقمص الدور لدرجة إنك بتصدقه وممكن هو يصدق نفسه كمان !!! اه ممكن ... بتحصل ...

3-التلقى .... هو إنك تبدأ تنتظر بإيمان قوى إن اللى نفسك فيه شئ هايتحقق بفضل الله .. وده ببساطه لأنه شئ جميل أو مفيد وممكن يتحقق بالإضافه إنك تستحقه وكمان تقدر تعيشه بشكل جيد ....

# ضرورى إننا نعرف إن قانون الجذب حاجه مش جديده ولذلك سمى ( السر ) ... لأن العظماء والناجحين يستخدمونه من قديم الأزل

 # قانون الجذب نؤمن به كمسلمين لأن قول الله عز وجل فى الحديث القدسي ( أنا عند ظن عبدى بى ... فليظن بى ما يشاء .. إن كان خيرا فخير ..وإن كان شرا فشر ) معناه إننا لابد أن نستبشر خيرا فى كل أمورنا وبالتالى نستبشر خيرا فيما نريده بالتأكيد J

# رسولنا الكريم صل الله عليه وسلم قال ( بشروا ولا تنفروا )

# كلما أمكن أن تجعل نفسك والأشياء من حولك فى تهيئه كامله لما تريده كما ذكرنا من قبل كالممثل القدير J إفعل ذلك فهذه هى البوابه لتحقيق قانون الجذب

# المشاعر ... الإحساس بما تريده وأنت تمثله ( تعايش كامل بكل مشاعرك ) يعنى بتمثله وبتصدقه ... للأهميه ... لو بتمثل من غير ما تكون عايش أحاسيس الشئ ده فعلا يبقى ما تتعبش نفسك .... إنت مش مؤمن بالشئ ده !

# عقلك الباطن هايتحايل عليك ويشتغلك لما واحد فيكم يغلب التانى ...وهايقولك اوعى تصدق إنك تقدر تحقق كذاااا .....أو إنك تقدر تبقى كذااااا ....خلى بالك .... ماتخليهوش يغلبك ....

# لو عندك أكتر من شئ تتمنى يتحقق ..إكتبهم كلهم ورتبهم بأولوية أهميتهم بالنسبالك ... وإبدأ بالأهم ... حاول تجذب حاجه حاجه ..ده مهم للتركيز ... هاتركز عليه طول الوقت وتجذبه بقوه إن شاء الله J

# العمل ... أمل من غير عمل تضييع وقت ... أنا بجذب الشئ لإنه مفيد وجميل بالتالى أنا أسعى إليه ... ومؤمن به يعنى بأعمل على تحقيقه دائما ... هو ده العمل ...أى شئ بنحاول نجذبه دائما له خطوات لابد من إتخاذها أو عمل ضرورى يتم ... الأخذ بالأسباب ... والتوكل على الله J

الموضوع بسيط ومحتاج تركيز ... دعواتى بالتوفيق

د.إبتسام الوكيل 

مفاجاة الفلانتين ! اغنية (مش كتير عليك) مع المطربة المتميزة بيريهان محمد

المطربة بيريهان محمد

انتظروا مفاجاة الفلانتين واغنية جديدة (مش كتير عليك) مع المطربة بيريهان محمد ! 

 ويذكر ان : المطربة بيريهان محمد بنت محافظة البحيرة تتميز بصوتها الناعم ذو الاحساس العالى والمتميز وتعشق الموسيقى و الغناء والطرب الاصيل منذ الصغر و كان أول اعمالها الفنية أغنية (تعبت في الأخر) كلمات : ايمن الحداد وألحان محمود سعد وتوزيع يوسف حسين