هنعمل اول حاجه خالص الشربات وال هو عقده نص ستات مصر نمشي واحده واحده كده وان شاءالله تطلع زى الفل بس...يلا بينا
حله حلوه كده نحط فيها 2 كوب سكر ومعاهم كوب ميه ونضربهم بالمضرب اليدوي 3 دقايق على البارد وبعد كده نطلعهم على النار بدون تقليب نهائي ولما يغلي هنزود نص لمونه ونهدى النار من 7 ل 10 دقايق ونقفل ونزود نص كوب عسل جلوكوز ونسيبه يبرد خالص كده جاهز
نعمل الكريمه الشرقي بقي وطريقتها
2 ونص كوب لبن نقلب معاهم 4 معالق ك كريم شانتى خام ونطلعهم على النار ولما يغلوو نهدى النار ونقلب 4 معالق ك نشا فى اقل من نص كوب لبن وننزلهم على الخليط ال على النار ونستنى يغلى ونقفل ونغطي وشه بكيس ونستنى يبرد خالص....
نيجي للكنافه نجيب نص كيلو كنافه ونقطعها ونقلب معاها معلقتين كبار سكر بودره ونجيب صنيه 28 ندهنها سمنه خفيف وناخد نص كميه الكنافه ونكبسها كويس جدااااا جداااا ونحط الكريمه فوقيها بدون مانوصل للحروف ونكمل باقي كميه الكنافه على الوش ونساويها براحه تمام كده لحد هنا مافيش سمنه...هنسخن كميه سمنه محترمه ونسقي الكنافه لحد لما ميكونش فى اى جزء ابيض باين منها ...ومتقلقوش كميه السمنه الزياده الكنافه هتطردها ونصفيها بعد السوا...ندخلها بقي فرن 220 لمده 35 دقيقه واول ماتخرج نصب الشربات البارد بتاعنا و10 دقايق ونقلبها وبالف هنااااا
ليست هناك تعليقات:
إرسال تعليق