مده التحضير: 30 دقيقه
مده الطهى: 30 دقيقه
مقادير الكبد والقوانص
نصف كيلو كبد وقوانص
بصله مقطعه قطع صغيره
نصف معلقه صغيره بهارات
ربع معلقه صغيره فلفل أسود
ربع معلقه صغيره قرفه
ملح
4معالق كبيره زيت
معلقه كبيره عصير ليمون
الطريقه
نغسل الكبد والقوانص كويس جدا ونرش عليها معلقه عصير الليمون علشان تمنع الزفارفه وبعد كده نجيب حله ونحطها على النار وننزل بحوالى 4 معالق زيت وبعد كده ننزل بالكبد والقوانص ونسبها على نار هاديه لحد ما تنزل ميتها والميه تتبخر وننزل بالبصله والبهارات والفلفل الاسود والقرفه والملح ونقلبهم مع بعد ونسبهم على النار حوالى 10 دقايق ونطفى النار
مقادير الارز المعمر
3كوب أرز مصرى مغسول
3كوب لبن
كوب ميه
2معلقه كبيره زبده أو سمنه
2معلقه كبيره قشطه
رشه فلفل أسمر
مكعب ماجى
الطريقه
نجبيب حله وننزل باللبن والزبده والميه والفلفل والماجى ونحطهم على النار لحد قرب الغليان وبعد كده نجيب طاجن وننزل بالكبد والقوانص والارز ونقلبهم مع بعض وبعد كده ننزل باللبن والقشطه وندخله الفرن فى الرف اللى تحت لمده نصف ساعه أو لحد ما يستوى
مقادير طاجن البطاطس
4حبات بطاطس مقطعه شرايح
4حبات طماطم
معلقه كبيره صلصه
معلقه كبيره سمنه
معلقتين زيت
بصله مقطعه شرايح أو مبشوره
ربع معلقه صغيره ثوم مفروم
مكعب ماجى
رشه ملح وفلفل أسود وبهارت
ممكن تقطعى حبه طماطم شرايح وتحطيها على الوش(اختيارى)
الطريقه
نضرب الطماطم مع الصلصه ونصف كوب الميه فى الخلاط وونصفيها كويس وبعد كده نحطها فى طبق غويط وننزل بالسمنه والزيت والماجى والملح والفلفل الاسود والثوم ونقلبهم مع بعض وننزل بيهم على البطاطس وندخلها الفرن فى الرف اللى تحت لحد ما تستوى
ملاحظه
أنا بسخن الطاجن فى الفرن الاول قبل ما أحط فيه أى حاجه علشان لما ادخله الفرن الاكل يستوى بسرعه علشان الطاجن بياخد وقت على ما بيسخن فى الفرن
