كتب / حمدى محمد
فرش الميك اب
ايه الفرش الى لازم تكون عندك
قبل ما اقولكو اشكال الفرش واستخدماتها
هقولكو انوعها علشان تعرفو الفرق واستخدام كل نوع
فى فرش شعر طبيعى وفرش شعر صناعى
فرش الشعر الطبيعى بتكون معموله من شعر الحيوانات
وفرش الشعر الصناعى بتكون مصنوعه من نايلون او بوليستر
- الفرش الشعر الطبيعى بتكون احسن كتير مع الحاجات البودر زى ايشادو بلاشر بودر علشان الشعرة بتكون خشنه شويه ومش مستويه فا بتلقط البودر بسهوله وبكميه كويسه مش بتحتاجى تعيدى انك تاخدى من المنتج كتير وبتوزع وتدمج احسن واسهل كتير
عيوب الفرش الطبيعيه مبتكونش كويسه مع المنتجات السائله و الكريميه فونديشن او اى حاجه سائل بيكون فى تكتل والدمج مش بيكون حلو فيها وتنضيفها بيكون صعب جدا لانها بتسحب من المنتج وبتاخد وقت طويل لغايت متنشف
- الفرش الشعر الصناعى العكس بقى بيكون كويس جدا مع المنتجات الكريمى ودمجها وتوزعها وتغطيتها بتكون احسن كتير
علشان الفرش بتكون ناعمه ومستويه وشعرايه واحدة من غير فرغات ودا بيسهل تضيف الفرش اكتر علشان مش بيلزق فيها البودر اوى ولا بتمتص الكريم زى الطبيعى وكمان بتنشف اسرع
ومش معنى كدا انها وحشه مع البودر هى حلوة طبعا وبتعمل المطلوب منها بشكل كويس انا بفهمكو الفرق
وعلى فكرة اغلبنا بيستخدم فرش صناعيه عادى
وفى انواع كتير حلوة دراجستور زى ريل تكنيك و كوستال وبى اتش و جيس اب ومن الانواع الهاى ايند فى ماك وزويفا و سيجما
* نيجى بقى لاستخدام الفرش
- فرش الفونديشن لما تيجى تجيبى فرشه للفونديشن عيزاكى تعرفى ان كل ما الشعر كان كثيف التغطية بتبقى اعلى هو اه الدمج بيكون اصعب بس الواحد مبياخدش كل حاجه 😂
الفرش الى شعرها اقل تغطيتها اقل بس الدمج اسهل
وكل ما الفرشه شعرها قصير بتدى تغطيه اعلى
والفرشه المناسبه بتكون الفلات الكابوكى من سيجما او بى اتش وفى من كوستال
وممكن نختصر كل دا ونجيب البيوتى بلندر انا من استخدامى مرتحتش غير للبيوتى بليندر بتوزعى الفونديشن الاول وبعدين تدمجى بالسبونج متحطيش المنتج على الاسبونج وتوزعيه علشان متمتصوش ودى احسن طريقه للفونديشن وكمان توزيع الكونسيلر
- فرشه البودر بيكون شعرها كتير وفلافى وكبيره علشان توزع البودر كويس وعلى الوش كلو ومش كتير
- فرشه البلاشر تكون انجل يعنى مايله او ممكن نستعمل الى شبه البودر بس بتكون اصغر تنفع بلاشر و برونزينج وكونتور
- فرش دمج الشادو او البليندينج بتكون تقريبا بنفس الشكل بس بمقاسات كل ما الفرشه بتكون كبيرة كل ما توزع الشادو فى منطقه اوسع وكل ما صغرت بتضيق المكان والشادو بيكون دقيق ومتركز اكتر
-فرشه البنسل شبه القلم وشعرها ارفع وماسك نفسو دى بتدمج الشادو او الكحل تحت العين
- فرشه الحواجب ودى بتكون مقشوطه او ماسله وصغيرة ورفيعه وممكن تستعمل للايلاينر بردو حاولو تكون رفيعه علشان تعرفو ترسمو الحاجب بيها بشكل طبيعى
- فرشه الايلاينر وبتكون رفيعه وشبه سن القلم او الريشه القصيرة
- فى فرشه بتكون مبططه ورفيعه دى ممكن تكون للكونسيلر وممكن يتنضف بيها تحت الحاجب وممكن يتحط بيها البجمنت والجليتر
- فرش المروحه بتكون 2 واحدة رفيعه وسعرها مش كتير وصغيرة ودى للهايلايت والكبيرة والشعرها كتير دى بتكون علشان تشيلى البودر الزيادة او الشادو الى وقع تحت العين
#Ebtehal
#Batot
انضمت خبيرة التجميل مؤخرا الى اكاديميه
Era Academy ..
وتمنح بعض الكورسات فى فنون التجميل
طريقه عمل جلاش بجبنه
